ياللي جفيت وجفاك المر،، ذابحـنـي
عقبك وجيه البشر ،، ماني بدانيهـا
**
إنت آخر انسان هاقي منه يصدمني
والظاهر ان هقوتي بانت مواريهـا
**
تدري متاك؟ تعرف قدري وتفقدنـي؟
لأرخصت نفسك لشخصٍ ما يراعيها
**
أهديتك:: دموع من طعنتك تحرقني
ونت اللي تستاهل الدنيا وما فيها
**
واهديتني جرح!! موجعني!! وعاجبني
لن الهدايا على مقدار مهديهـا
**
ان قلت:: علمني انسى!! لا تعلمني
دنياي لا من نسيتك ويش تاليها؟؟
**
فارقتني و ضحكتك عيت تفارقني
والله يلعن ابو الفرقا وطاريهـا
**
من يوم ما غبت،، والوحده تعذبني
أقرا رسايلك في حرقة وألاحيها
**
أشوف صورتك ،، ودموعي تسابقني
ويا كثـر ما جيت بمسحها وأخليها
*
*
*
تبى تعرف وش ع الفرقا مصبرني ؟؟
انك بخير ،، وحياتك مهتني فيهــا
ليست هناك تعليقات:
إرسال تعليق